De probas

Isto é como navegar por un mar proceloso cuxos cons máis traizoeiros saben a inglés. Áchome torpe en extremo e pido papas; a primeira cullerada veume de Teki (a medias con MH), a segunda de Akin, a terceira de Paco Penas e a penúltima de B (¡e as que lle quedan!). Non acabo de entender o tecnolecto informático, linguaxe específica e abstrusa para os profanos na materia. O ordenata pregunta cousas dando por suposto que unha entende. E non. Unha quere, dálle ás teclas e... ¡En fin! Reflexións á marxe, iso de aí arriba é a foz do Miñor nun serán en que a luz axudaba. A min gustoume o resultado.