![](https://blogger.googleusercontent.com/img/b/R29vZ2xl/AVvXsEjRFfQJ-ni8beVFWohr2UTC-oscuHOSCeyOaUyuWxdwhhu-GptlovOzPyRgfv4TzK-kQQMiWb4xvf9wkGC9qoEhyF7vnpayMW1B_uNWm19ykzr5zACia29iziTs5XsFf9wMGcTt/s320/mujerfugalaforet.jpg)
A miña afección ás biografías levoume a meterme de cheo nesta, que aínda non rematei, pois ten unha morea de páxinas. Pero o certo é que, por un lado, me está gustando descubrir facetas desta estraña escritora que me chamou a atención desde que lin Nada, hai xa moitos anos. Por outro, a medida que avanzo na lectura, vou sentindo unha especie de incomodidade ante as deducións sobre a psicoloxía da novelista que fan os autores do libro. Por que? Porque é coma se a estivesen espindo ou analizando con lupa e non sei até que punto esas deducións resultan exactas.
En calquera caso só se trata dunha sensación molesta que me leva a preguntarme se é correcto exercer de psicólogo dunha persoa morta.
Ningún comentario :
Publicar un comentario